İyulun 8-19-da Moldovada NATO-nun regional qərargahının "Regex 2024" təlimi keçiriləcək.

İqtisadiyyat.az xəbər verir ki, bu barədə Respublika Müdafiə Nazirliyinin mətbuat xidmətindən məlumat verilib.

Məlumata görə, seminarda Azərbaycan, Ermənistan, Bəhreyn, Bosniya və Herseqovina, Gürcüstan, Misir, İordaniya, Qazaxıstan, Malta, Mərakeş, Moldova, Pakistan, Tunis, Özbəkistan, Afrika İttifaqı ölkələrindən (Qana və Benin), eləcə də Moldova ordusunun qərargah zabitləri iştirak edəcək.

Qeyd olunur ki, seminarın məqsədi ordunun planlaşdırma, böhranların idarə edilməsi, çoxmillətli şəraitdə qüvvələrin qarşılıqlı fəaliyyət səviyyəsinin gücləndirilməsi və qiymətləndirilməsi üzrə Qərb standartlarına uyğun hazırlanmasıdır. İştirakçılara NATO Müttəfiq Komandanlığının təlimatçıları tərəfindən təlim keçiləcək.