Moldova və Fransa müdafiə sahəsində əməkdaşlıq haqqında saziş imzalayacaq.
İqtisadiyyat.az xəbər verir ki, bu barədə Moldova prezidentinin mətbuat xidməti məlumat yayıb.
Məlumata görə, martın 7-dən 8-dək Moldova Prezidenti Maya Sandu Parisdə səfərdə olacaq. İşgüzar səfər proqramına Yelisey sarayında Fransa Prezidenti Emmanuel Makronla görüş və əməkdaşlıq sazişlərinin imzalanması daxildir.
Bildirilib ki, Parisdə müdafiə sahəsində əməkdaşlıq haqqında saziş imzalanacaq. Müqavilə 1998-ci il müqaviləsi əsasında əməkdaşlığı genişləndirmək məqsədi daşıyır.
Gözəl Həşimova
