Moldovanın baş naziri Dorin Recean İsveçrə və Lixtenşteynə üç günlük səfərə gedib. Səfər zamanı onun Avropa Azad Ticarət Assosiasiyası (EFTA) ilə azad ticarət sazişi imzalaması gözlənilir.

İqtisadiyyat.az TASS-a istinadən xəbər verir ki, bu barədə Moldova hökumətinin sözçüsü Daniel Voda bildirib. 

"Baş nazir Dorin Recean iyunun 25-dən 26-dək İsveçrədə və 26-28 iyun tarixlərində Lixtenşteyndə səfərdədir. Çərşənbə axşamı günü baş nazir Dorin Recean və Baş nazirin müavini Dumitru Alaiba EFTA ölkələri ilə azad ticarət sazişinin imzalanmasında iştirak edəcəklər”.

2017-ci ilin noyabrında Moldova Avropa Ağac Ticarət Assosiasiyasına üzv ölkələrlə əməkdaşlıq haqqında bəyannamə imzalayıb və altı ay sonra Moldovanın assosiasiyaya qoşulması ilə bağlı danışıqlara başlamaq qərara alınıb.

Voda qeyd edib ki, Recean Vaduzda Lixtenşteynin baş naziri Daniel Rişlə danışıqlar aparacaq. Sürixdə olarkən o, daha sıx əməkdaşlıq variantlarını müzakirə etmək üçün Google rəhbərləri ilə görüşəcək.

Qeyd edək ki, 1960-cı ildə Böyük Britaniyanın təşəbbüsü ilə yaradılmış Avropa Azad Ticarət Assosiasiyasına hazırda İslandiya, Lixtenşteyn, Norveç və İsveçrə daxildir.

Bundan əvvəl Moldova prezidenti Maia Sandu avropalı tərəfdaşları Moldova malları üçün bazarlarını açmağa çağırıb. O, qeyd edib ki, Ukraynadakı münaqişə ilə əlaqədar ölkəsi ənənəvi MDB bazarlarına əmtəə ixracında problemlər yaşayır.