Qarışıq döyüş növləri (MMA) üzrə tacikistanlı döyüşçü Eraj Miskinşoev Rusiyanın paytaxtı Moskvada gənci döydüyü üçün saxlanılıb.
İqtisadiyyat.az xəbər verir ki, bu barədə "Mash" məlumat yayıb.
Məlumata görə, Miskinşoev və qonşusu 24 yaşlı kişi ilə mübahisə ediblər. Sonda idmançı tanışı ilə birgə gənci döyüblər. Zərərçəkmişə qapalı kəllə-beyin travması, ağır beyin əzilməsi, hematoma və sümük sınığı diaqnozu qoyulub.
Miskinşoev və onun qonşusu saxlanılıb. Onların barəsində qəsdən sağlamlığa ağır zərər vurma maddəsi ilə cinayət işi açılıb. Məhkəmə idmançının noyabrın 3-dək həbs qətimkan tədbiri seçib. Onu 12 ilə qədər həbs cəzası gözləyə bilər.
