İqtisadiyyat.az xəbər verir ki, bu barədə "əl-Qahira əl-Əxbariyə" telekanalı məlumat yayıb. 

"Məsələ ilə bağlı ən yüksək səviyyədə təmaslar davam edir. Qahirə və Doha razılaşmanın balanslı şəkildə həyata keçirilməsini təmin edəcək həll yolu tapmağa çalışır", – xəbərdə deyilir.

Məlumata görə, Misir və Qətərdən olan danışıqlar aparan nümayəndələr atəşkəs rejiminin davam etməsinin bütün tərəflərin maraqlarına uyğun olduğunu bildiriblər.

Bu il yanvarın 19-da Qəzza zolağında atəşkəs qüvvəyə minib. Atəşkəsin ilk mərhələsinin 42 gün davam edəcəyi gözlənilir. Bu müddət ərzində HƏMAS 33 israilli girovu, o cümlədən bütün qadın və uşaqları azad etməlidir. Bunun qarşılığında İsrail hər bir azad edilən mülki şəxsə görə 30, hərbi əsirlərə görə isə 50 fələstinli məhbusu sərbəst buraxacaq.

İsrail və HƏMAS bu müddətdə bir neçə dəfə əsir mübadiləsi həyata keçirib. Lakin fevralın 8-də İsrailin baş naziri Benyamin Netanyahu HƏMAS-ı tamamilə məhv etmək və əlində olan bütün girovları geri qaytarmaq niyyətində olduğunu açıqlayıb.