Misir prezidenti Əbdülfəttah əs-Sisi yaxın bir neçə gün ərzində Qəzza zolağında atəşkəsə ümid etdiklərini bildirib.

İqtisadiyyat.az xəbər verir ki, paytaxt Qahirədə təşkil edilən proqramda danışan Sisi gözlənilən atəşkəs ilə Qəzza zolağındakı insanlara hər sahədə real yardımın başlaya biləcəyini bildirib.

Qəzzaya yardımın bəzi insanların düşündüyü qədər asan olmadığına diqqət çəkən Sisi qeyd edib: "Bəziləri bizim dediklərimizlə etdiklərimizin iki fərqli şey olduğunu düşünür".

"Dəstəyimizi davam etdiririk və 1967-ci il sərhədlərində paytaxtı Şərqi Qüds olan Fələstin dövlətinin formalaşdırılmasına qədər Fələstin davasına dəstəyimizi davam etdirəcəyimizi vurğulamalıyıq", - Sisi əlavə edib.