Beynəlxalq ictimaiyyətin Qəzzada müharibəni dayandırmağa, ədalətə və qanunlara hörmətə nail olmağa iradəsi yoxdur. 

İqtisadiyyat.az xəbər verir ki, bu fikri Misir prezidenti Əbdülfəttah əs-Sisi deyib.

"İsrailin həddindən artıq hərbi gücdən istifadə etməsi, fələstinlilərin kollektiv şəkildə cəzalandırılması və onları öz torpaqlarından zorla çıxarmaq cəhdləri beynəlxalq ictimaiyyətin ədaləti bərqərar etmək, beynəlxalq hüquqa riayət etmək və onlara hörmət etmək iradəsinin olmaması fonunda baş verir", - Misir prezidenti Qahirədə səfərdə olan Bəhreyn kralı Şeyx Həməd bin İsa Əl Xəlifə ilə birgə mətbuat konfransı zamanı deyib.

Əl-Sisi bildirib ki, o, Bəhreyn monarxı ilə ərəb ölkələrinin regiondakı qeyri-sabit vəziyyəti aradan qaldırmaq və bunun bir daha təkrarlanmaması üçün təminat vermək üçün birgə səylərini müzakirə edib. 

Misir prezidenti Fələstin probleminin iki müstəqil dövlət prinsipi əsasında davamlı siyasi həlli üçün ciddi cəhdlərin tərəfdarı olduğunu bildirib. O qeyd edib ki, tərəflər həm Fələstin torpaqlarında, həm də regional səviyyədə eskalasiyanın dayandırılması, diplomatik həll yollarının tapılması və hərbi əməliyyatlardan imtina edilməsi üçün səyləri gücləndirmək və təşviq etmək zərurətində razılaşıblar.