“Biz uzun müddətdir ki, Natiqin həsrəti ilə yaşamışıq. Ən azından 32 il yarım biz Natiqi itirmişik”.

İqtisadiyyat.az xəbər verir ki, bu sözləri Milli Qəhrəman Natiq Qasımovun qardaşı Nofəl Qasımov ARB televiziyasında yayımlanan “Günə Doğru” efirində canlı bağlantı zamanı deyib. 

“Uzun illərdir ki, bacılarım, özüm və övladlarım Natiqin həsrəti ilə yaşamışıq. Bu gün bizim ən xoş günümüzdür, ən gözəl, ən xoşbəxt günümüzdür ki, Ali Baş Komandanımız qardaşımın qəhrəmanlığını ortalığa çıxartdı və onu layiqli adla təltif etdi. Ali Baş Komandanımıza təşəkkür edirəm ki, bu sevinci bizə yaşatdı və ən gözəl gündə, Ordu günündə, bayram günündə Natiq Qasımovun qəhrəmanlığını bizə təqdim etdi. Bizim üçün çox sevincli bir gündür. Mən dəqiq bilirəm ki, bütün Azərbaycan sevinir. Çünki axşamdan internet kanallarında yayılan məlumatlardan və mənə edilən zənglərdən bir daha əmin oldum ki, Natiqi təkcə biz yox, hamı - bütün Azərbaycan xalqı sevirmiş. Mən hamıya təşəkkür edirəm”, - o əlavə edib. 

 

Sadiq Cavadov