Serbiyanın Sombor şəhərində qız və qadın boksçular arasında Millətlər kuboku davam edir.
İqtisadiyyat.az xəbər verir ki, finalda ilk olaraq Azərbaycan millisinin 2 idmançısı rinqə çıxıb. Banuçiçək Nəsirli (46 kq) və Emili Rzayeva (66 kq)qələbə qazanaraq qızıl medala yiyələnib. Nəticədə milli komandamızın qazandığı mükafatların sayı 8-ə çatıb. Daha öncə Səma Hüseynova (54 kq), Aysu İsmayılova (48 kq), Nərmin Əlizadə (50 kq), Günel Rəhimova (48 kq), Anaxanım İsmayılova (50 kq ) və Esmira Məmmədova (63 kq) bürünc medala sahib olublar. Bu gün axşam saatlarında isə daha 3 boksçumuz final döyüşünə çıxacaq.
