Şirvan şəhərinin Naxçıvan küçəsində Mənzil İnşaatı Dövlət Agentliyinə (MİDA) məxsus 8,11 ha torpaq sahəsində inşa olunan yaşayış kompleksində 960 şagird yerlik tam orta məktəbin tikintisinə başlanılır.

İqtisadiyyat.az xəbər verir ki, “MİDA” MMC hazırda məktəbin tikintisini həyata keçirəcək şirkət axtarır.

Layihə çərçivəsində məktəb binasının qazanxana ilə birlikdə tikintisi, avadanlıqlarla təchiz edilməsi və məktəb ərazisinin abadlaşdırılması nəzərdə tutulub.

MİDA qeyd olunan işlərin 7,3 milyon manata başa gələcəyini ehtimal edir.