“Facebook”, “Instagram” və “WhatsApp”ın sahibi “Meta” bu ilin ikinci rübündə gəlirini 22 faiz, xalis mənfəətini isə 73 faiz artırıb.
İqtisadiyyat.az xəbər verir ki, bu barədə "Meta" ikinci rüb üçün balans hesabatını açıqlayıb.
Hesabat dövründə şirkətin gəliri 22% artaraq 39,1 milyard dollara çatıb. "Meta" ötən ilin eyni dövründə 31,9 milyard dollar gəlir əldə edib.
"Meta"nın xalis mənfəəti isə bu ilin ikinci rübündə 73% artaraq 13,5 milyard dollara çatıb. Şirkət ötən ilin eyni dövründə 7,8 milyard dollar mənfəət açıqlayıb.
Şirkət üçüncü rübdə 38,5-41 milyard dollar arasında gəlir gözlədiyini açıqlayıb.
Gözəl Həşimova
