İqtisadiyyat.az-ın əldə etdiyi məlumata görə, Maliyyə Nazirliyi tərəfindən şirkət barəsində İnzibati Xətalar Məcəlləsinin 464-cü (Məcburi auditdən yayınma) maddəsinə əsasən cərimə protokolu tərtib edilib.

Daha sonra protokol baxılması üçün Nəsimi Rayon Məhkəməsinə göndərilib. Məhkəmədə barəsində protokol tətbiq edilmiş MMC ilə bağlı müraciətə baxılıb. 

Hakim Elməddin Hüseynovun sədrliyi ilə keçirilən prosesdə qərar elan olunub. Qərara əsasən, şirkətə inzibati tənbeh tətbiq edilib, yəni cərimə kəsilib.

Xatırladaq ki, məcburi auditdən yayınmağa görə vəzifəli şəxslər 300 manatdan 600 manatadək məbləğdə, hüquqi şəxslər 1500 manatdan 2500 manatadək məbləğdə cərimə edilir.  

Xatırladaq ki, “Yeni Qalaaltı Hotel Company” 2014-cü ildə yaradılıb və nizamnamə kapitalı 68 615 296,15 manatdır. MMC Şabran rayonunda istirahət formatına və yeni müalicəvi-bərpa kurort kompleksinə malik olan beş ulduzlu “Qalaaltı Hotel & Spa”ya sahibdir. Qanuni təmsilçisi Rəşad Kərimzadə Əzizağa oğludur.