“CasaMia” mağazalar şəbəkəsinə cərimə yazılıb.
İqtisadiyyat.az xəbər verir ki, şirkət barəsində Dövlət Gömrük Komitəsi tərəfindən İnzibati Xətalar Məcəlləsinin 485.2-ci maddəsinə əsasən cərimə protokolu tərtib olunub.
Həmin maddədə deyilir ki, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.
İş Nərimanov Rayon Məhkəməsində hakim Xalidə Əlisoyun sədrliyi ilə araşdırılacaq.
Qeyd edək ki, “CasaMia” mağazalar şəbəkəsi keramoqranit, hamam mebelləri santexnika, sauna, hamam aksesuarları, divar kağızları çilçıraqlar, qab-qacaq, dekorativ aksesuarlar, tekstil, otaq arası qapılar, giriş qapılarının və s. satışı ilə yanaşı mənzillərin, villalarin, ictimai yerlərin dizaynı və təmiri ilə də məşğuldur.
