İsveçin pərakəndə satış şirkəti "H&M Group"un səhmləri 12%-dən çox ucuzlaşıb.

İqtisadiyyat.az xəbər verir ki, bu barədə şirkətin maliyyə hesabatında deyilir.

Məlumata görə, geyim firmasının zəif satış göstəricisi nəticəsində son dörd il baş direktor vəzifəsində çalışan 51 yaşlı Helena Helmersson vəzifəsindən istefa verib.

Bildirilib ki, "H&M Group"un ötən ilin dördüncü rübündə satışları 1% azalaraq 6,02 milyard dollar təşkil edib. Buna səbəb isə inflyasiya və yüksək faiz dərəcələri səbəbindən aşağı alıcılıq qabiliyyəti olub.

"H&M Group"da 18 il çalışan 42 yaşlı Daniel Erver yeni baş direktor təyin edilib.

 

Gözəl Həşimova