İqtisadiyyat.az xəbər verir ki, şirkət uzun müddətdir külli miqdarda vergi borcu ola-ola fəaliyyət göstərir. Hazırda isə şirkətin dövlət qarşısında vergi borcunun miqdarı 331 566.33 manat təşkil edir.

Buna baxmayaraq, qanunvericiliyə görə vergi borcunun gecikdirilməsinə görə sanksiya nəzərdə tutulub. Həmçinin şirkət vergi borcunu ödəmək qabiliyyətində olmadığı halda, riskli vergi ödəyicilərin siyahısına daxil edilməyib.

Eyni zamanda, araşdırma zamanı məlum olub ki, “Optimal Electronics” həm də dəfələrlə vergi öhdəliklərini pozduğuna görə Dövlət Vergi Xidməti tərəfindən tətbiq edilən maliyyə sanksiyaları ilə üzləşib. Bu sanksiyalar Vergi Məcəlləsinə uyğun olaraq vergi hesabatını və ya onu əvəz edən arayışı vaxtında təqdim etməməyə görə tətbiq olunub.

Belə ki, 2016-ci ildə 3 hal üzrə ümumilikdə 120 manat, 2017-ci ildə 1 hal üzrə ümumilikdə 40 manat, 2019-cu ildə 2 hal üzrə ümumilikdə 80 manat, 2020-ci ildə 1 hal üzrə ümumilikdə 40 manat, 2021-ci ildə 3 hal üzrə ümumilikdə 120 manat, 2022-ci ildə 13 hal üzrə ümumilikdə 520 manat, 2023-cü ildə isə 3 hal üzrə ümumilikdə 120 manat maliyyə sanksiyası tətbiq edilib.

Qeyd edək ki, “Optimal Electronics”in qanuni təmsilçisi Əhəd Tofiq oğlu Əsgərovdur. 2013-cü ildə dövlət qeydiyyatına alınan MMC-nin nizamnamə kapitalı 11 485 360 manatdır.