Məşhur "CASAMİA" şirkətinin gömrük borcunu ödəməkdən yayındığı aşkarlanıb.

İqtisadiyyat.az xəbər verir ki, şirkət barəsində Dövlət Gömrük Komitəsi tərəfindən İnzibati Xətalar Məcəlləsinin 505-ci maddəsinə əsasən cərimə protokolu tərtib olunub.

Daha sonra protokol baxılması üçün Nərimanov Rayon Məhkəməsinə göndərilib.

İş üzrə Hafiz Kamranov hakim təyin edilib.

Şirkətin barəsində cərimə protokolu tərtib olunan maddə gömrük ödənişlərinin (borcunun) ödənilməsindən yayınma ilə bağlıdır. Belə ki, gömrük ödənişlərini (borcunu) ödəməkdən yayınmağa görə, bu az miqdarda olduqda ödənilməli olan gömrük ödənişlərinin məbləğinin yetmiş faizindən yüz əlli faizinədək məbləğdə cərimə edilir.  Bu maddədə “az miqdarda olduqda” dedikdə, iyirmi min manatdan yuxarı olmayan məbləğ başa düşülür. Bu maddədə nəzərdə tutulmuş əməli ilk dəfə törətmiş şəxs inzibati xəta nəticəsində vurulmuş ziyanı tamamilə ödədikdə inzibati məsuliyyətdən azad olunur.