Yaponiyanın iri yük maşını və avtobus istehsalçısı "Isuzu Motors" Rusiya bazarını tamamilə tərk etmək qərarına gəlib.

İqtisadiyyat.az "Kyodo" agentliyinə istinadən xəbər verir ki, filialın və 200 nəfər işçisi olan zavodun səhmləri Rusiyanın avtomobil istehsalçısı "Sollers"ə veriləcək.

Məlumata görə, müəssisənin özü 2022-ci ilin martından bəri fəaliyyətini dayandırıb. Rusiya bazarını tərk etmək qərarı Ukrayna müharibəsi, həmçinin logistika ilə bağlı problemlər səbəbilə hissələrin tədarükünün dayandırılması ilə bağlıdır.

 

Gözəl Həşimova