Qaradağ Şüşə Zavodu cərimə protokolu yazılıb.

İqtisadiyyat.az xəbər verir ki, zavod barəsində Mərkəzi Bank tərəfindən İnzibati Xətalar Məcəlləsinin 430.4-cü maddəsinə əsasən cərimə protokolu tərtib edilib.

Daha sonra protokol baxılması üçün Qaradağ Rayon Məhkəməsinə göndərilib.

Məcələnnin 430-cu maddəsində valyuta tənzimi qaydalarının pozulmasına görə cərimələr müəyyənləşib.

Zavod barəsində protokol tərtib olunduğu 430.4-cü maddədə isə deyilir ki, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.

Məhkəmə işi hakim Şəfa Dadaşovanın sədrliyi ilə araşdırılacaq.