"STRİX" Məhdud Məsuliyyətli Cəmiyyətinə cərimə protokolu yazılıb.

İqtisadiyyat.az xəbər verir ki, şirkət barəsində Mərkəzi Bank tərəfindən İnzibati Xətalar Məcəlləsinin 430.4-cü maddəsinə əsasən, cərimə protokolu tərtib olunub.

İş Nəsimi Rayon Məhkəməsində icraata götürülüb və hakim Anar İbadzadənin sədrliyi ilə araşdırılacaq.

Qeyd edək ki, sözügedən maddədə deyilir ki, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə  vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.