Azərbaycan Mərkəzi Bankı (AMB) "Parket House", "Baku Agro Fruits" və "NN Apollon" şirkətlərinə cərimə yazıb.

İqtisadiyyat.az xəbər verir ki, cərimə protokolları İnzibati Xətalar Məcəlləsinin (İXM) 430.4-cü maddəsinə əsasən tərtib edilib.

Belə ki, AMB-nin tərtib etdiyi protokollar daha sonra baxılması üçün Yasamal Rayon Məhkəməsinə göndərilib.

Hər üç iş icraata götürülüb.

Şirkətlərin barəsində cərimə protokolu tərtib olunan maddədə deyilir ki, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.