Mərkəzi Afrika Dövlətlərinin İqtisadi Birliyi (ECCAS) bazar ertəsi, sentyabrın 4-də Qabondakı vəziyyətlə bağlı təcili iclas keçirəcək.

İqtisadiyyat.az xəbər verir ki, bu barədə "Reuters" məlumat yayıb. 

Bundan əvvəl ECCAS Qabonda dövlət çevrilişini pisləyib və ölkədə konstitusiya quruluşunun bərpasına çağırıb.

1983-cü ildə yaradılan təşkilat Anqola, Burundi, Kamerun, Mərkəzi Afrika Respublikası, Qabon, Konqo Demokratik Respublikası, Ekvatorial Qvineya, Ruanda, San-Tome və Prinsipi birləşdirir. 2000-ci ildə üzv dövlətlər regional təhlükəsizliyin qorunmasına yönəlmiş birgə fəaliyyətləri nəzərdə tutan Mərkəzi Afrikada Sülh və Təhlükəsizlik Şurasının (COPAX) yaradılması haqqında saziş imzalayıblar.