İqtisadiyyat.az Valyuta.az-a istinadən xəbər verir ki, bu ilin ilk beş ayında sığorta şirkətinin yığımları 2 milyon manata yaxın azalıb. Belə ki, sözügedən dövrdə şirkət 12,9 milyon manat sığorta haqqı toplayıb ki, bu ötən ilin eyni dövrünə nisbətən 13,1% azdır.  Belə ki, 2024-cü ilin yanvar-may aylarında “Meqa Sığorta” 14,89 milyon manat sığorta haqqı toplaya bilmişdi. 

Sığorta şirkəti beş ayda 5,06 milyon manat ödəniş həyata keçirib ki, bu da 2024-cü ilin eyni dövrünə nisbətən 17,4% çoxdur. 2024-cü ilin yanvar-may aylarında “Meqa Sığorta” 6,65 milyon manat sığorta ödənişini həyata keçirmişdi. 

Yığımların azalması fonunda ödənişlərin artması sığorta şirkətinin zərərliliyinə, yəni ödəniş-yığım nisbətinə mənfi təsir edib. Şirkət ötən ilin yanvar-may aylarında topladığı hər 100 manatdan  38,1 manatını ödənişə yönəltmişdirsə, bu ilin eyni dövründə bu rəqəm 51,4 manata yüksəlib. 

Xatırladaq ki, “Meqa Sığorta” 1998-ci ildən fəaliyyət göstərən BE&G sığorta şirkətinin bazasında 2010-cu ildə yaradılıb. Onun nizamnamə kapitalı 23 milyon manatdır.