"Vakant yerlərin sayının azaldılması üçün işlər görülür".
İqtisadiyyat.az xəbər verir ki, bu sözləri direktor vakansiyasının təyin olunması qaydasına toxunan Elm və Təhsil Nazirliyinin İnsan resursları şöbəsinin müdiri Eşqi Bağırov deyib.
O qeyd edib ki, vakant yerləri təyin olunarkən bir sıra göstəricilər nəzərə alınır və şərtlərə cavab verməyən direktorlar öz vəzifəsindən uzaqlaşdırılır:
"2021-ci ildə pandemiya şəraitindən dolayı vakant yerlərin sayı 900-ə yaxınlaşırdı. Son illər keçirilən müsabiqələr nəticəsində ölkə üzrə vakant yerlərin sayı 400-ə yaxındır. Vakant yerlərin yaranmasının başlıca səbəblərinə direktorların fəaliyyəti dövründəki fəaliyyəti, buraxılış imtahanlarındakı nəticələr və məktəbin digər akademik göstəriciləri daxildir. Bundan başqa, müxtəlif vaxtlarda nazirlik tərəfindən məktəblərdə monitorinqlər təşkil olunur. Bu və ya digər formada pozuntulara yol verən məktəb direktorlarının əmək müqavilələrinə xitam verilir. Eyni zamanda yeni tədris ocaqlarının inşa olunması da vakant yerlər yaradır".
Gülşən Şərif
