2024-cü ilin yanvar-iyun ayları ərzində məcburi dövlət sosial sığorta haqları üzrə daxilolmalarda proqnoza nisbətdə 187,5 mln. manat və ya 7,3% artım qeydə alınıb.
Bu barədə İqtisadiyyat.az-a Əmək və Əhalinin Sosial Müdafiəsi Nazirliyindən məlumat verilib.
Bildirilib ki, büdcə təşkilatları üzrə daxilolma ötən ilin müvafiq dövrü ilə müqayisədə 34,4 mln. manat və ya 3,8%, qeyri-büdcə təşkilatları üzrə isə 197,3 mln. manat və ya 12,1% artımla olub.
