Bu barədə İqtisadiyyat.az Gənclər və İdman Nazirliyindən məlumat əldə edib.
Nazirliyin sifarişi ilə Yevlax Olimpiya İdman Kompleksinin ərazi daxili drenaj şəbəkəsinin tikinti-quraşdırma işlərinə başlanılıb. Sözügedən işlərin icrası “Hovers Group” Məhdud Məsuliyyətli Cəmiyyətinə həvalə olunub və onunla dəyəri 200 min manata yaxın müqavilə bağlanılıb.
Qeyd edək ki, bu il Azərbaycanda keçiriləcək III MDB Oyunlarına hazırlıqlar davam etdirilir. III MDB Oyunları Azərbaycanın 14 şəhərində - Gəncə, Xankəndi, Mingəçevir, Qəbələ, İsmayıllı, Şəki, Şəmkir, Tovuz, Qazax, Göygöl, Yevlax, Oğuz, Tərtər və Goranboyda 22 idman növü üzrə 33 proqramda keçiriləcək.