Bu il ilk dəfə Özbəkistanda MDB ölkələrinin birgə antiterror təlimi keçiriləcək.

İqtisadiyyat.az xəbər verir ki, bu barədə Moskvada MDB iştirakçısı olan dövlətlərin milli antiterror mərkəzləri rəhbərlərinin 17-ci iclasının yekunlarına dair MDB Antiterror Mərkəzinin (ATM) Mətbuat Xidməti məlumat yayıb.

“Nümayəndələr terrorizmə qarşı mübarizə sisteminin effektivliyinin yoxlanılmasında və birgə fəaliyyətin ahəngdarlığının işlənib hazırlanmasında mühüm elementin antiterror təlimləri olduğunu qeyd ediblər. MDB-yə üzv dövlətlərin builki “Şərq-Antiterror - 2024” təlimi ilk dəfə Özbəkistan Respublikası ərazisində keçiriləcək”, - ATM-in məlumatında deyilir.