Mavritaniya sahillərində afrikalı miqrantları daşıyan qayığın batması nəticəsində azı 15 nəfər ölüb.

İqtisadiyyat.az xəbər verir ki, bu barədə Beynəlxalq Miqrasiya Təşkilatının (BMqT) yaydığı məlumatda deyilir.

Məlumata görə, 2024-cü il iyulun 22-də Mavritaniyanın paytaxtı Nuakşot yaxınlığında gəmi batmazdan əvvəl 300-ə yaxın insan Qambiyanın sahilində qayığa minib və yeddi gün Atlantik okeanının sularında qalıb. Onlardan 15 nəfərin öldüyü təsdiqlənib, Mavritaniya sahil mühafizəsi 120 nəfəri xilas edib..

Qərbi Afrika ölkələrinin sahillərindən qeyri-qanuni miqrantları Avropaya keçirmək cəhdləri adi hala çevrilib. Yararsız gəmilər və həddindən artıq yüklənmələr tez-tez bu məqsəd üçün uzun məsafələri keçən insanların faciələrinə və ölümlərinə səbəb olur.