ABŞ Federal Mülki Aviasiya İdarəsi (FAA) tərəfindən raket-kosmik sistemlərin sınaqlarında yaradılan bürokratik əngəllərə görə Birləşmiş Ştatlar Marsa insan göndərməyə bilər.

İqtisadiyyat.az xəbər verir ki, bu barədə "SpaceX" şirkətinin rəhbəri İlon Mask bildirib.

Amerikalı iş adamı "Starship" layihəsinin ətraf mühitə təsirinin araşdırılması üçün 60 gün ayrılmasını tənqid edib.

"Əgər bu cür davam etsə, insanlar heç vaxt Marsa çatmayacaq", – deyə Mask əlavə edib.

Avqust ayında "ArsTechnica" nəşri "Starship" sınaqlarının sentyabrın ortalarında keçirilə biləcəyini ehtimal edib.