Masallı rayonunda bu il çiyələk sahələri artıb.

İqtisadiyyat.az "report"a istinadən xəbər verir ki, ötən təsərrüfat ilində 266 hektar sahədə çiyələk məhsulu yetişdirilib. Bu il isə 300 hektara yaxın sahədə çiyələk əkilib.

Əkin əsasən rayonun Şərəfə, Təklə, Çaxırlı, Təzə Alvadı və Köhnə Alvadı kəndlərində aparılır.

Qeyd edək ki, ötən il rayonun çiyələk sahələrindən 1 702 ton məhsul əldə olunub.