Almaniya komandalarından Dortmund "Borussiya"sı ilə müqaviləsi başa çatan Marko Roysun MLS komandalarından olan "Los Anceles Qalaksi"yə transfer olunacağı bildirilib.

İqtisadiyyat.az "Sky"a istinadən xəbər verir ki, Roysun meneceri Dirk Hebellə MLS klubunun rəhbərliyi arasında konkret danışıqlar aparılıb. Xəbərdə tərəflər arasında hələlik razılığın olmadığı və danışıqların davam etdiyi bildirilib.

Bu transferin qarşısındakı ilk böyük maneə keçən həftə aradan qaldırılıb. Roysun transferində MLS-in digər komandası olan "Charlotte" FC üstünlük təşkil edirdi. Ancaq "Los Angeles Qalaksi" bu hüquqları satın alıb və Roysun transferinə bir addım da yaxınlaşıb.