“Meta”nın təsisçisi və rəhbəri Mark Zukerberqin sərvəti şirkətinin səhmlərinin bahalaşması səbəbindən ilk dəfə olaraq 200 milyard dolları ötüb.

Bu barədə İqtisadiyyat.az xarici mediaya istinadən xəbər verir.

Məlumata görə, Zukerberq hazırda 201 milyard dollarlıq sərvətlə "Bloomberg"in dünyanın ən varlı adamları siyahısında dördüncü yerdədir.

Siyahıda ilk pillədə "Tesla"nın rəhbəri İlon Mask qərarlaşıb. Siyahıda ikinci yerdə "Amazon.com”un təsisiçisi və baş icraçı direktoru Ceff Bezos, üçüncü pillədə isə "LVMH"nin rəhbəri fransız sahibkar Bernard Arnault qərarlaşıb.

Qeyd edək ki, Meta səhm kotirovkaları 2024-cü ilin əvvəlindən 60% artıb; şirkətin kapitallaşması 1,44 trilyon dollar təşkil edir. Zukerberq "Meta"nın təxminən 13%-nə sahibdir.

 

Sadiq Cavadov