İqtisadiyyat.az xəbər verir ki, bu sözləri Maliyyə Nazirliyi yanında Dövlət Borclarının və Maliyyə Öhdəliklərinin İdarə Edilməsi Agentliyinin direktoru Azər Mürsəqulov bu gün Bakıda keçirilən Maliyyə İnvestisiya Forumunda çıxışı zamanı deyib.

O xatırladıb ki, Maliyyə Nazirliyi ilin əvvəlindən etibarən istiqrazlar bazarına yenidən çıxış etmir:
"Depozit hərraclarının keçirilməsi, əslində, büdcədə artıq və sərbəst vəsaitlərin mövcud olması səbəbindəndir. Belə olan təqdirdə də bazardan vəsait cəlb olunması o qədər də tutarlı olmazdı".

"Amma bunu da qeyd edim ki, çox çəkmədən, qısa bir müddətdən sonra artıq biz təkrar bazara geri qayıdaraq dövlət qiymətli kağızlarının emissiyasına yenidən başlayacağıq", - A. Mürsəqulov vurğulayıb.