Fransa prezidenti Emmanuel Makron NATO ölkələrini Vaşinqtonda keçirilən sammitdə Ukraynanın alyansa qoşulma prosesində irəliləyişinə dair aydın siqnal verməyə dəvət edib.
İqtisadiyyat.az xəbər verir ki, o bunu Parisdə NATO-nun baş katibi Yens Stoltenberqlə görüşündən əvvəl bəyan edib.
"Vaşinqtonda biz Ukraynanın Avro-Atlantik inteqrasiya prosesində irəliləyişi və haqqı olduğu kimi alyansa qoşulması barədə aydın siqnal göndərməliyik", - Makron bildirib.
Onun sözlərinə görə, NATO indiki ehtiyaclarını ödəmək üçün Kiyevi dəstəkləməyə davam edəcək.
Qeyd edək ki, Stoltenberqin sədrliyi ilə iyulun 9-11-də Vaşinqtonda NATO sammiti keçiriləcək. Makron qeyd edib ki, bu, payızda postunu tərk edən NATO baş katibinin sonuncu sammiti olacaq.