Fransa prezidenti Emmanuel Makron Kiyevin Ukraynadakı fransalı təlimatçılarla bağlı açıqlamalarını uğursuz adlandırıb və Ukrayna prezidenti Volodimir Zelenskinin iyunun 6-da Fransaya səfəri zamanı gələcək yardımı müzakirə edəcəyinə söz verib.
İqtisadiyyat.az xəbər verir ki, Fransa prezidenti bu barədə Almaniya kansleri Olaf Şoltsla görüşündən sonra keçirilən mətbuat konfransında deyib.
"Dünən ukraynalı tərəfdaşlarımız tərəfindən müəyyən rabitə kanalları vasitəsilə deyilənləri nəzərdə tutursunuzsa, mən inanıram ki, onlar bu ifadələri düzəldiblər", - deyə Makron bildirib.
O bəyan edib ki, Fransa lazım olduğu müddətdə Ukraynaya bütün lazımi dəstəyi göstərməkdə davam etmək niyyətindədir: "Prezident Zelenski gələn həftə İkinci Dünya Müharibəsi zamanı müttəfiqlərin Normandiyaya enişinin ildönümü münasibəti ilə Fransaya gələndə onu qəbul etmək və sonra konkret olaraq nə olduğunu söyləmək imkanım olacaq".
