"Avropa növbəti onillikdə zəifləyəcək və yox ola bilər".

İqtisadiyyat.az xəbər verir ki, bunu Fransa Prezidenti Emmanuel Makron Sorbonnada Avropanın gələcəyi ilə bağlı çıxışı zamanı deyib.

Fransa prezidenti vurğulayıb ki, Avropa ölkələrinin suverenliyin yüksəldilməsi və möhkəmləndirilməsi üçün yeni strategiyaya ehtiyacı var:

“Bizim Avropa ölümcüldür, hər şey bizim seçimimizdən asılıdır. Avropanın dəyərləri təhdid altındadır və qitə ölkələri dünyanın ümumi silahlanmasına reaksiya verməkdə çox ləngdirlər.

Avropanın böyüməsi və suverenliyinin möhkəmləndirilməsi üçün yeni strategiyaya ehtiyacı var. Biz güvən yaratmalı, çəkindirməli, iştirak etməli və səylərimizi davam etdirməliyik. Avropanın təhlükəsizliyinin şərti Rusiyanın Ukraynadakı müharibədə qalib gəlməməsidir".

 

Gözəl Həşimova