Ötən il magistratura səviyyəsi üzrə ikinc cəhd qəbul imtahanında yeni tipli sualların salınması bu il də cəmiyyətdə bənzər prosesin davam edəcəyi fikrini yaradıb.
İqtisadiyyat.az-ın məlumatına görə, Modern.az-a açıqlamasında təhsil eksperti Elçin Əfəndi bildirib ki, bu il magistratura səviyyəsi üzrə rəqabət ötən ilki ilə müqayisədə daha çoxdur:
“İkinci cəhd imtahanında ötənilki kimi hansısa fənnin imtahanda iştirak edənlər üçün xüsusi ilə çətin hesab ediləcəyini düşünmürəm. Sadəcə mövzuları tam mənimsəməyən və imtahana sistemi hazırlaşmayan tələbələrin sualları cavablandırmaqda çətinlik çəkəcəyi gözlənilir”.
Magistratura imtahanının ikinci cəhdinin qiyməti neçəyədir?
Ekspert qeyd edib ki, DİM tərəfindən qəbulu aparılan magistratura imtahanının ikinci cəhdi ödənişlidir. Tələbələrin pul ödəyərək iştirak etdikləri imtahanı çətinləşdirmək o qədər də məntiqli deyil.
“İmtahan olduqca asan və bakalavrların rahatlıqla cavab verəcəyi səviyyədə olacaq” - deyə sonda ekspert vurğulayıb.
Qeyd edək ki, imtahanın ikinci cəhdində iştirak haqqı 50 manatdır.
