İqtisadiyyat.az xəbər verir ki, bu barədə Macarıstanın xarici işlər naziri Peter Siyarto rəsmi “Facebook” səhifəsində məlumat paylaşıb.

Nazirin sözlərinə görə, Ukraynanın Budapeştdəki səfirliyində diplomatik status altında fəaliyyət göstərən iki şəxs ölkə ərazisində casusluq fəaliyyəti ilə məşğul olduqları üçün arzuolunmaz şəxs elan olunub:

“Bu gün biz Ukrayna səfirliyinin iki əməkdaşını ölkədən çıxarmaq qərarına gəldik. Onlara aid diplomatik nota artıq Budapeştdəki səfirə təqdim olunub”.

Peter Siyarto əlavə edib ki, Ukraynada müharibə başladıqdan sonra macar icmasına qarşı təbliğatın gücləndiyini müşahidə edirlər. O, Ukrayna Təhlükəsizlik Xidmətinin (UTX) Macarıstan hərbi kəşfiyyatına bağlı şəxslərin Zakarpatyada ifşa olunması ilə bağlı iddialarına münasibət bildirməyib.

Qeyd edək ki, bu gün UTX Zakarpatya bölgəsində iki macar hərbi casusun saxlandığını açıqlayıb. Onlar dövlətə xəyanətdə ittiham olunur və ömürlük həbslə üzləşə bilərlər.