Macarıstan NATO-nun Ukraynaya yardım səylərində iştirak etməyəcək, lakin iyulda keçiriləcək sammitdə NATO-nun müvafiq qərarlarına mane olmayacaq.

İqtisadiyyat.az xəbər verir ki, bununla bağlı NATO-nun baş katibi Yens Stoltenberq və Macarıstanın Baş naziri Viktor Orban razılaşıblar.

"Biz razılaşdıq ki, Macarıstan digər müttəfiqlərin Ukraynaya uzunmüddətli yardım və NATO-nun Kiyevə yardım koordinasiyasında aparıcı rolu ilə bağlı qərarlarına mane olmayacaq, lakin eyni zamanda Macarıstan bunun bir hissəsi olmayacaq”, - Stoltenberq Budapeştdə Orbanla birgə mətbuat konfransında bildirib.

Baş katibin sözlərinə görə, NATO-nun iyulun 9-11-də Vaşinqtonda keçiriləcək sammitində iki qərar razılaşdırılmalıdır - Ukraynaya uzunmüddətli maliyyə yardımı və Kiyevə hərbi təchizatın koordinasiyasında NATO-nun rolunun gücləndirilməsi.

 

Gözəl Həşimova