"Macarıstan yalnız BMT Baş Assambleyasının HƏMAS-ın İsrailə hücum zamanı götürülən bütün girovları dərhal və ilkin şərt olmadan azad etməsini tələb edən Yaxın Şərq üzrə qətnaməsini dəstəkləyəcək".
İqtisadiyyat.az xəbər verir ki, bunu Nyu-Yorkda Baş Assambleyada sərbəst debatda çıxış edən Macarıstan Xarici İşlər Nazirliyinin rəhbəri Peter Siyarto deyib.
"Həmas dərhal və qeyd-şərtsiz bütün girovları, o cümlədən beş Macarıstan vətəndaşını azad etməlidir", - nazir bildirib. O vurğulayıb ki, Macarıstan yalnız girovların heç bir şərt olmadan azad edilməsini təmin edəcək həll yolunu dəstəkləyəcək.