Belarus prezidenti Aleksandr Lukaşenko təcavüzkar olmadığını və xüsusən də Polşa tərəfinin bəyan etdiyi kimi müharibə istəmədiyini deyib.

İqtisadiyyat.az xəbər verir ki, onun sözlərinə görə, Belarusda əhalinin böyük əksəriyyəti müharibə istəmir.

"Lakin bu o demək deyil ki, Lukaşenko təcavüzkardır və müharibə istəyir. Hər şeydən çox, mən özüm milyonlarla belarusludan çox müharibəni qəbul etmirəm və istəmirəm", - Belarusun rəhbəri qeyd edib. 

Lukaşenko əlavə edib ki, indi ölkədə hazırkı təhlükəli məqam, müxtəlif həyəcan siqnalları, qızğın qarşıdurma ehtimalının yüksək olması barədə çoxlu söhbətlər gedir.