“Rusiyanın Belarusda taktiki nüvə silahlarının yerləşdirilməsini tələb edirik. Bu cür silahlara sahib olan ölkə ilə demək olar ki, heç kim döyüşmək istəmir. Bunlar çəkindirici silahlardır".
İqtisadiyyat.az bildirir ki, bu barədə Belarus prezidenti Aleksandr Lukaşenko danışıb.
Rusiyanın bu istiqamətdə heç bir şey etmədiyini dilə gətirən Lukaşenko ölkənin təhlükəsizliyini təmin etmək üçün bu tələbi irəli sürdüyünü deyib:
"Əvvəlcə mən Putindən xahiş etdim. Sonra ondan mənə strateji deyil, taktiki nüvə silahı verməsini istədim. Dünyada heç kim nüvə enerjisindən istifadə edə bilməz. Lakin belə bir təhlükə varmı? - bəli. Mən bu təhlükənin qarşısını almalıyam”.
Hazırda ölkədə strateji nüvə silahlarının yerləşdirilməsinə ehtiyac görmədiyini qeyd edən Lukaşenko, hələ də belə silahlar üçün lazımi sahələri hazırladıqlarını bildirib.
