İqtisadiyyat.az xəbər verir ki, o, Azərbaycanda təşkil olunacaq minifutbol üzrə dünya çempionatının püşkatma mərasimində iştirak edib.

Portuqaliyalı keçmiş futbolçu Luiş Nani Bakıda keçirilən minifutbol üzrə dünya çempionatının püşkatma mərasimindən sonra jurnalistlərə açıqlaması zamanı deyib ki, Bakı əla şəhərdir və bura gəlmək onun üçün yeni təcrübədir.

O, daha əvvəl də Azərbaycana səfər etdiyini xatırladıb: “Portuqaliya millisinin heyətində bura gəlmişdim. Amma Bakıda olan gözəl yerlərin tam olaraq şahidi olmamışdım. Bura gəlmək mənə yaxşı təcrübə qazandıracaq. Ümid edirəm ki, yenidən Azərbaycana səfər edəcəyəm. Hamınıza təşəkkür edirəm. Gözəl ölkədə və şəhərdə olmaq çox xoşdur”.

Qeyd edək ki, 39 yaşlı sabiq yarımmüdafiəçi ötən il futbolçu karyerasını başa vurub.