London polisi şəhərin mərkəzində keçirilən Fələstinə dəstək aksiyası zamanı 17 nəfəri saxlayıb.

İqtisadiyyat.az xarici mediaya istinadən xəbər verir ki, bu barədə "Skotland Yard"ın X hesabında bildirilib.

Qeyd olunub ki, ictimai asayişi pozduqlarına görə 7 nəfər saxlanılıb, onlardan üçü irqi nifrət zəminində törədilən cinayətlərlə bağlı olub. Təcili yardım işçisinə hücum edən daha 3 nəfər saxlanılıb.

Xatırladaq ki, oktyabrın 7-də Fələstinin radikal HƏMAS hərəkatının İsrailə qarşı hücumunun qarşıdan gələn ildönümü ilə əlaqədar keçirilən mitinqdə iştirak edənlər Qəzza zolağı və Livanda hərbi əməliyyatların dayandırılmasını müdafiə ediblər. Etirazçılar İsrail rəhbərliyini soyqırımda ittiham ediblər.