Mayda dünyanın ən böyük mayeləşdirilmiş təbii qaz (LNG) idxalçısı Yaponiya alışlarını son 20 ilin minimum səviyyəsinə endirib.

İqtisadiyyat.az bildirir ki, bu barədə Bloomberg gəmi izləmə məlumatlarına və hökumət statistikasına istinadən yazıb.

Sonuncu dəfə idxal bu səviyyəyə yalnız 2002-ci ildə düşüb. Yaponiyada qaz anbarlarında ehtiyatların səviyyəsi o qədər yüksək olub ki, qaz idxalçıları hətta may ayında alınan LNG yüklərini yenidən satıblar.

Ölkə enerjiyə qənaət və nüvə enerjisinin inkişafı sayəsində qalıq yanacaq idxalını azaltmağa nail olub. 2022-ci ildə Yaponiya elektrik şəbəkəsinin həddindən artıq yüklənməsi, elektrik enerjisinin kəsilməsi riski və kommunal ödənişlərin artması ilə müşayiət olunan enerji böhranı yaşadı. İndi hökumət ev təsərrüfatlarını və müəssisələri enerjiyə qənaət etməyə çağırır ki, bu təcrübə bir daha təkrarlanmasın.