Müqaviləsinin son günlərinə qədəm qoyan və “Liverpul”la vidalaşan braziliyalı hücumçu Roberto Firminyo 200 hədiyyə qutusu hazırlayaraq  klub işçilərinə çox xüsusi jest edib.

İqtisadiyyat.az xəbər verir ki, "Liverpul"da oynayarkən böyük uğurlar qazanan və mövsümün sonunda müqaviləsi başa çatdıqdan sonra komandadan ayrılacaq braziliyalı hücumçu Roberto Firminyo komanda yoldaşları, dostlarının ailələri və klub işçiləri üçün 200 hədiyyə qutusu hazırlayıb. Firminyonun bu jesti "Liverpul" işçilərinə duyğulu anlar yaşadıb.

"Liverpul"da 361 oyunda komandası adına 110 qol vuran, çalışqanlığı və oyun zəkası ilə azarkeşlərin heyran olduğu Firminyo, sevdikləri üçün hazırladığı hədiyyə qutusuna "Bu hekayənin bir parçası olduğunuz üçün təşəkkür edirəm" qeydini yazıb.

Hədiyyə qutularında hədiyyə ilə yanaşı imzalı Firminyo forması və bir şüşə ətir də olub. Ulduz futbolçunun bu davranışı bir çox klub işçilərini kədərləndirib.

"Liverpul"a olan hörmətinə görə indiyə qədər heç bir komanda ilə rəsmi transfer danışıqları aparmayan Firminyonun qısa müddətdə fərqli komandalarla masa arxasına oturacağı gözlənilir.

"Real Madrid" və "Barselona" tərəfindən yaxından izlənilən Firminyonun Avropadakı karyerası 2015-ci ildə Bundesliqa komandalarından biri olan "Hoffenheym"ə keçidi ilə başlamışdı.