İsrail ordusunun Livan ərazisinə hücumlarından iqtisadi zərər 20 milyard dolları keçə bilər.

İqtisadiyyat.az xəbər verir ki, bu barədə "L'Orient-Le Jour" qəzeti məlumat yayıb.

Qeyd edilib ki, İsrailin Livana hücumları kənd təsərrüfatı torpaqlarının dörddə birini və qeydiyyatdan keçmiş 50 min müəssisəni məhv edib.

Bildirilib ki, İsrailin hücumları Livanın cənubunda, eyni zamanda ölkə əhalisinin və işçi qüvvəsinin üçdə birinin yaşadığı Bekaa vadisində iqtisadiyyatın əksər sektorlarında iqtisadi fəallığı ləngidir.

Mütəxəssislər atəş altında olan ərazilərdə ifrat yoxsulluq içində yaşayan livanlıların nisbətinin iki dəfə artacağını proqnozlaşdırırlar.

 

Gözəl Həşimova