Litva Ukrayna üçün hava hücumundan müdafiə sistemlərinin alınması məqsədilə Böyük Britaniyanın rəhbərlik etdiyi fonda 16 milyon avro ayıracaq. 

İqtisadiyyat.az xəbər verir ki, bunu Litva Respublikasının müdafiə naziri Laurinas Kasciunas Ukraynaya hərbi yardım üzrə təmas qrupunun (Ramşteyn formatı) iclasında bildirib.

"Həmkarlarıma bildirməkdən məmnunam ki, Litva Ukrayna üçün hava hücumundan müdafiə sistemlərinin alınması məqsədilə Böyük Britaniyanın rəhbərlik etdiyi beynəlxalq fonda 16 milyon avro ayırır", - deyə Müdafiə Nazirliyinin bəyanatında deyilir.

O, həmçinin Kiyevə Litvanın yeni yardım paketini təqdim edib: "Litva ümumi daxili məhsulun 0,25%-i həcmində yardımımızın dəyişməz maliyyə komponentini saxlayacaq".