İspaniya çempionu "Barselona"nın polşalı hücumçusu Robert Levandovski Çempionlar Liqasında 94-cü qolunu vurub.

İqtisadiyyat.az xəbər verir ki, 1/8 final mərhələsinin cavab oyununda ispaniyalı Xavinin rəhbərlik etdiyi komanda İtaliya çempionu “Napoli”ni 3:1 hesabı ilə məğlub edərək 1/4 finala yüksəlib.

Levandovski Çempionlar Liqasının bütün zamanların ən yaxşı bombardiri siyahısında üçüncüdür.

Rekordçu portuqaliyalı Kriştianu Ronaldodur (141), argentinalı Lionel Messi ikinci yerdədir (129).

İndi Ronaldo Səudiyyə Ərəbistanının "Əl Nəsr"ində, Messi isə Amerikanın "İnter Mayami"sində oynayır