Ləğv edilən "Naxçıvan Sığorta" Şirkətinin əməkdaşları işdən azad olunub.

İqtisadiyyat.az APA-ya istinadən xəbər verir ki, bu gün ləğv edilən sığorta şirkətinin əməkdaşları dekabrın 8-dən etibarən işdən azad olunublar. Məlumata görə, onlara heç bir iş təklif olunmayıb.

Qeyd edək ki, "Naxçıvan Sığorta" Şirkətinin 30-da çox əməkdaşı var.

Xatırladaq ki, "Naxçıvan Sığorta" şirkəti ləğv edilir, onun portfeli "Atəşgah Sığorta" şirkətinə ötürülür.

Qeyd edək ki, sığorta şirkətinin ləğvi ilə əlaqədar onun öhdəlikləri dekabrın 15-dən etibarən "Atəşgah Sığorta" şirkətinə ötürüləcək.

Bu barədə bu gün səhər saatlarından müştərilərə sms bildirişləri də göndərilir.

Qeyd edək ki, "Naxçıvan Sığorta" şirkətinin 100% səhmdarı "Naxçıvan Bank"dır.