"Qara Dəniz Taxıl Təşəbbüsü sona çatsa belə, Rusiyanın kənd təsərrüfatı məhsulları ixracı davam edəcək".

İqtisadiyyat.az dünya mediasına istinadən xəbər verir ki, bu barədə Rusiyanın xarici işlər naziri Sergey Lavrov videokonfrans vasitəsilə keçirilən mətbuat konfransında cari məsələlərlə bağlı dəyərləndirmələr edib.

Onun sözlərinə görə, Qara Dəniz Taxıl Təşəbbüsü sona çatacağı təqdirdə, Rusiyanın kənd təsərrüfatı məhsulları ixracı zərər görməyəcək: "Bu müqavilə kommersiya xarakteri daşıyır. Taxılın 2,5 faizdən bir qədər çoxu ən yoxsul ölkələrə ixrac edildi. Müqavilənin ləğvi halında Rusiya yoxsul ölkələrə eyni miqdarda ödənişsiz taxıl ixrac edəcək".